નવતર વિરોધ

વિરોધ કરી રહેલા કાર્યકર્તાઓની ટીંગાટોળી કરી અટકાયત કરવામા આવી, યુવાનો ને રોજગારી આપવાના બદલે આ ભાજપ સરકાર બેરોજગાર કરી રહી છે – કૉંગ્રેસ

બ્રિજેશ ગોસ્વામી
ભાજપ દ્વારા “યુવા શક્તિ દિન”ની ઉજવણી કરવામાં આવી રહી છે જ્યારે ભાવનગર કૉંગ્રેસ દ્વારા રોજગારી ને લઈ કલેકટર કચેરી ખાતે પાણીમાં ભજીયા-ગોટા તળી વિરોધ પ્રદર્શન કરવામાં આવ્યું હતું, વિરોધ પ્રદર્શન કરતા પોલીસે અટકાયત કરાઈ હતી, જિલ્લા પ્રમુખ પ્રવિણ રાઠોડાએ જણાવ્યું હતું કે મુખ્યમંત્રી દ્વારા પાંચ વર્ષની ઉજવણીના ભાગ રૂપે રોજગારીની તકો આપવાનો જે ઢંઢેરો કરી રહ્યા છે, 2014 થી અત્યારે સુધી દરવર્ષે 2 કરોડ લોકો ને નોકરી આપવાની જાહેરાત કરી હતી તે પણ પૂર્ણ કરી નથી, યુવાનો રોજગારી માટે ઘર ઘર ભટકી રહ્યા છે.

યુવાનોને રોજગારી આપવાના બદલે આ ભાજપ સરકાર બેરોજગાર કરી રહી છે. આ કાર્યક્રમમાં ભાવનગર શહેર પ્રમુખ પ્રકાશભાઈ વાઘાણી, જિલ્લા કૉંગ્રેસ પ્રમુખ પ્રવિણ રાઠોડ, વિપક્ષ નેતા ભરતભાઈ બુધેલીયા, જિલ્લા પંચાયત વિપક્ષ નેતા પ્રહલાદસિંહ ગોહિલ તથા કોર્પોરેટર જયદીપસિંહ ગોહિલ, પૂર્વ તાલુકા પંચાયત પ્રમુખ સંજયસિંહ ગોહિલ સહિતના કૉંગ્રેસ સમિતિના આગેવાનો, કોર્પોરેટર, યુથ કૉંગ્રેસ, એન.એસ.યુ.આઈ, મહિલા કૉંગ્રેસ તેમજ વિવિધ સેલના આગેવાન કાર્યકરો ઉપસ્થિત રહ્યા હતા.

LEAVE A REPLY

Please enter your comment!
Please enter your name here