હરિશ પવાર
રાજ્યના વહીવટમાં પારદર્શિતા વધે અને પ્રજાને સરકારી સેવાનો લાભ ઘરઆંગણે મળી શકે ઉપરાંત તેમની ફરિયાદોનો પણ સ્થળ પર જ નિકાલ થઇ શકે તે માટે રાજ્ય સરકારે અગાઉ અમલમાં મુકાયેલા ચાર તબક્કાના સેવા સેતુ કાર્યક્રમને મળેલી અભૂતપૂર્વ સફળતા બાદ હવે ફરીથી તા. ૧૦મી ઓક્ટોબરથી પાંચમા તબક્કાનો સેવા સેતુ કાર્યક્રમનો પ્રારંભ કરવામાં આવશે. સિહોર તાલુકાના ભુતિયા, ઝરિયા, પીપરડી, સરકડીયા (સોન), પાડાપાણ, ગઢુલા, સાંઢીડા, સરવેડી ગામની જાહેર જનતા માટે સરકારનો સેવાસેતુ કાર્યક્રમ પ્રાંત અધિકારી-સિહોરના અધ્યક્ષ સ્થાને તા.૧૦:૧૦ ના રોજ સવારે ૮.૩૦ કલાકે પાડાપણ ગામે કે.વ.શાળાના કમ્પાઉન્ડમાં યોજાશે. જેમાં આવક, જાતિ, ક્રીમિલેયર, ડોમીસાઈલ, પ્રમાણપત્રને લગતા દાખલાઓ, રેશનકાર્ડને લગત અરજી, આધારકાર્ડમાં નામ નોંધાવવાની અરજીઓ, માં અમૃતમ યોજના તથા વાત્સલ્ય કાર્ડમાં લાભાર્થીઓની નોંધણી અને કાર્ડ ઈસ્યુ, રાજ્ય સરકારના કૃષિ, પશુપાલન, સહકાર, ગ્રામ વિકાસ, પંચાયત, સમાજ કલ્યાણ, આદિજાતી વિભાગની સ્કીમો હેઠળના વ્યક્તિલક્ષી લાભો માટેની અરજીઓ, વરિષ્ઠ નાગરિકતા પ્રમાણપત્ર, દિવ્યાંગતા પ્રમાણપત્ર, સ્કોલરશીપ યોજના લાભો, વિધવા સહાય અને વૃધ્ધ નિરાધાર સહાય યોજના હેઠળ લાભ મેળવવા માટેની અરજીઓ, જમીનમાપણી અને નવી નોંધ દાખલ કરવાને લગતી અરજીઓ, સરકારની ઉજાલા યોજના હેઠળ બલ્બ વિતરણની કામગીરી, વીજ કનેક્શનને લગતી અરજીઓ, ઉજવલા યોજના હેઠળ ગેસ કનેકશન આપવાની કામગીરી, આધાર કાર્ડનું બેન્ક એકાઉન્ટ સાથે જોડાણ અને મોબાઈલ નંબર સાથે બેંક એકાઉન્ટનું જોડાણનો સમાવેશ થાય છે.

LEAVE A REPLY

Please enter your comment!
Please enter your name here