Bank Strike: દેશભરમાં થશે બેંક હડતાળ, કરોડો બેંક ગ્રાહકો ATMની સાથે નહિ મેળવી શકે અન્ય સેવાઓનો લાભ

જાન્યુઆરીના અંતિમ સપ્તાહમાં બેંકની મુલાકાત લેનારા ગ્રાહકોને મુશ્કેલીનો સામનો કરવો પડી શકે છે. 28 જાન્યુઆરીથી 31 જાન્યુઆરી સુધી બેંકની સેવાઓ ખોરવાઈ શકે છે. તમને જણાવી દઈએ કે બેંક યુનિયન દ્વારા 2 દિવસ માટે હડતાળ પર જવાનો નિર્ણય લેવામાં આવ્યો છે. બેંક હડતાલને કારણે એટીએમમાંથી રોકડ ઉપાડવાથી લઈને અનેક સેવાઓ પ્રભાવિત થઈ શકે છે.

4 દિવસ સુધી બેંકિંગ સેવાઓ પ્રભાવિત થશે
બેંક યુનિયન દ્વારા 30 અને 31 જાન્યુઆરીએ બેંક હડતાળની જાહેરાત કરવામાં આવી છે. આ સાથે 28 જાન્યુઆરીએ ચોથો શનિવાર છે, જેના કારણે બેંકો બંધ રહેશે. બીજી તરફ, 29 જાન્યુઆરીએ રવિવાર હોવાના કારણે બેંકો બંધ રહેશે, તેથી તમે તમારું મહત્વપૂર્ણ કામ શુક્રવારે પૂરું કરી શકો નહીં તો 1 ફેબ્રુઆરીએ તમારું કામ પૂરું કરી શકો છો.

હડતાલ કેમ થઈ રહી છે?
યુનાઈટેડ ફોરમ ઓફ બેંક યુનિયન (UFBU)ની મુંબઈમાં બેઠક યોજાઈ હતી જેમાં બેંક યુનિયનોએ બે દિવસ માટે હડતાળ પર જવાનો નિર્ણય લીધો છે. બેંક યુનિયનો તેમની માંગણીઓ પૂરી કરવા માટે સરકાર પર દબાણ કરવા માટે હડતાળ પર જઈ રહ્યા છે.

બેંકનું કામ 5 દિવસમાં કરવું જોઈએ
માહિતી આપતાં ઓલ ઈન્ડિયા બેંક એમ્પ્લોઈઝ એસોસિએશનના જનરલ સેક્રેટરી સીએચ વેંકટચલમે જણાવ્યું કે યુનાઈટેડ ફોરમની એક બેઠક થઈ છે, જેમાં 2 દિવસ માટે હડતાળ પર જવાનો નિર્ણય લેવામાં આવ્યો છે. તેમણે કહ્યું કે બેંક યુનિયનોની માંગ છે કે બેંકિંગનું કામ 5 દિવસ સુધી કરવામાં આવે. આ સાથે પેન્શન પણ અપડેટ કરવું જોઈએ.

પગાર વધારવાની માંગ
આ સાથે કર્મચારીઓની માંગ છે કે NPS નાબૂદ કરવામાં આવે અને પગાર વધારા માટે વાતચીત કરવામાં આવે. આ તમામ ઉપરાંત તમામ સંવર્ગમાં ભરતી પ્રક્રિયા શરૂ કરવાની માંગ કરવામાં આવી છે. આ તમામ માંગણીઓને લઈને યુનિયને હડતાળ પર જવાનો નિર્ણય કર્યો છે.