બપોરના સમયે બે આખલાઓએ ભર બજારે બખેડો કર્યો, ઘમાસાણ મચાવી, ભારે નાસભાગ મચી, આંખલાઓ વૃદ્ધને હડફેટ લીધા અને મોત થયું, તંત્ર સામે લોકોની નારાજગી

દેવરાજ બુધેલીયા
સિહોર શહેરમાં રખડતા ઢોરના ત્રાસથી રાહદારીઓ ત્રાહિમામ છે અને નગરપાલિકાનું જવાબદાર તંત્ર ખુલ્લી આંખે ઉંઘી રહ્યું છે અને લોકો અકસ્માતનો ભોગ બની રહ્યા છે બાબત અતિ ગંભીર છે ત્યારે આજે બપોરના સમયે મેઈન બજાર શાક માર્કેટ પાસે બે આંખલાઓ બખેડો કર્યો ઘમાસાણ મચાવી લોકોમાં નાસભાગ થઈ ઘટના વેળાએ જંગે ચડેલા બન્ને આખલાઓએ એક વૃદ્ધને હડફેટ લેતા લોકોમાં તંત્ર સામે રોષ વ્યાપ્યો છે.

સિહોર શહેરમાં છેલ્લા થોડા દિવસોથી રખડતા ઢોરનો ત્રાસ અસહ્ય વધી જતા રાહદારીઓ આ ઢોરની ધીકે ચડી નાની મોટી ઈજાઓનો શિકાર બની રહ્યા છે ત્યારે જવાબદાર નગરપાલિકાનું નિંભર તંત્રની નિષ્ક્રીયતા ટીકાસ્પદ બની છે. સિહોરના જાહેર રસ્તાઓ પર રખડતા ભટકતા માલ ઢોરોનો સખત ત્રાસ છે અને આવા માલઢોર ખુંટીયાઓનો પણ અવારનવાર જાહેર રસ્તાઓ પર બાખડતા રાહદારીઓ અને વાહન ચાલકોને અડફેટે લઈ લે છે અને અવાર નવાર લોકો નાની મોટી ઈજાઓનો ભોગ બને છે.

સિહોર શહેરમાં આવા ખુંટીયા તથા રખડતા ભટકતા માલઢોરના કારણે સિહોરની જનતા તોબા પુકારી ગઈ છે અને અવારનવાર આવા ખુંટીયા રાહદારીઓને ઢીકો મારી હાની પહોંચાડી રહ્યા હોવા છતાં સિહોર નગરપાલિકાનું અંધેર તંત્ર દ્વારા કોઈ પગલા લેવામાં નહીં આવતા સિહોરની જનતામાં રોષની લાગણી ઉત્પન્ન થવા પામી છે તો પાલિકાનું તંત્ર પોતાની ઘેરી નીંદરમાંથી જાગી યોગ્ય કાર્યવાહી કરશે ખરૃ ? આજની ઘટનામાં વૃદ્ધના મોત થી લોકોમાં ભારે નારાજગી જોવા મળી રહી છે.

LEAVE A REPLY

Please enter your comment!
Please enter your name here